2004 Komunikabideak

EUSKAL HERRIKO I. GRAFFITI LEHIAKETA
Topagunearen Gazte Sailak antolatu du, gazteen sormena sustatzeko asmoz

Gazteek kultur jarduerak sortzeko eta bultzatzeko duten baliabide eskasia dela-eta, Topagunea Euskara Elkarteen Federazioaren Gazte Sailak, erakunde ezberdinekin elkarlanean, kultur jarduerak sustatzeko sariketa jarri du martxan asteburuetan.com gazte programaren barnean.

Gazte Sortzaile Sariak lehiaketaren helburua ondoko puntuetan laburbiltzen da:
· Gazteen berezko izaera sortzailea eta ekoizpen artistikoa sustatzea eta gizartaratzea.
· Gazteek kultur jarduerak sortzeko baliabideak eskaintzea.

2004.urtean lehenengo Gazte Sortzaile Sariak lehiaketa burutuko da, ondoko gai eta oinarriekin:

LEHIAKETA
Graffiti lehiaketa

BALDINTZAK· 15 urtetik gorako Euskal Herriko gazte euskaldunek parte hartu ahal izango dute.
· Bakarkako nahiz taldekako parte-hartzea onartzen da. Taldeak gehienez hiru lagunek osatuak izango dira.
· Teknika librea izango da.
· Euskara izango da gaia.
· Lana originala, norberak sortua izan behar da eta ezin izango da beste lehiaketa batera eroandako obrarik aurkeztu.
· Graffitiaren marrazki-zirriborroa DIN A3 formatuan eta koloreetan aurkeztuko da. Marrazki-zirriborroan gaia, diseinua, koloreak eta originaltasuna balioetsiko dira.
· Gerta daiteke marrazkia lehiaketatik kanpo gelditzea, edo horma zatia esleitzea. Horma zatia esleitu zaien marrazkiak graffitian egingo dira eta horiek izango dira 2004ko urriaren 2an goizeko 10etatik aurrera Mendaron (Gipuzkoa) elkarrekin lehiatuko direnak.
· Graffitiak paretan egiteko lehiakide bakoitzari beharrezkoa duen oinarrizko materiala emango zaio. Hamar horma zati esleituko dira eta horien arteko lehiatik lau sari banatuko dira. Esleituko diren pareten tamaina 6m x 2m ingurukoak izango dira.

SARIAK
1.200€ko lau sari banatuko dira:

1.-Teknika egokiena erabili duen graffitiari
2.-Gaia ondoen islatu duen graffitiari
3.-Koloreen erabilpen onena duen graffitiari
4.-Graffiti original eta freskoenari

ESKABIDEAK
Marrazki-zirriborroak 2004ko uztailaren 30etik aurrera eta irailaren 25a baino lehen ondoko helbidean aurkeztu behar dira:
Topagunea Euskara Elkarteen Federazioa
Arlozabal 8 bis. 1C
48220 Abadiño/ Bizkaia.

INFORMAZIOA
Parte-hartzaileak lanarekin batera gutunazal baten barnean ondoko datuak eman beharko ditu:
-Obraren izena edo titulua
-Erabili izan den kolore eta kolore-gamaren deskribapena
-Egilearen izen-abizenak. Taldeen kasuan, taldeko kide bakoitzaren izen-abizenak.
-Nortasun Agiriaren fotokopia. Taldeen kasuan, taldeko kide bakoitzaren datuak.

Gutun-azalean “Gazte Sortzaile Sariak 2004” baino ez da adieraziko. Behin lan guztiak jaso ondoren, pareta zatien esleipena egingo du epaimahaiak. Esleipenaren emaitzak garaiz jakinaraziko dira. Lehiaketa 2004ko urriaren 2an (larunbata) burutuko da Mendaron (Gipuzkoa), jaialdi batekin batera. Sari-banaketa egun eta toki beretan egingo dira.

ESLEIPEN PROZEDURA
Ebaluaketa-batzorde bat osatuko da aurkeztutako lanak aztertu eta adjudikazio-proposamena egiteko. Ebaluaketa-batzordea lehiaketaren erakunde antolatzaile eta laguntzaileetako ordezkariek eta gaian adituek osatuko dute.

OHARRA
Informazio gehiago lortu edota zalantzak argitzeko, ondoko zenbaki eta helbidera jo:
Topagunea Euskara Elkarteen Federazioa / Gazte Saila / 946215116 edo gazteak@topagunea.com

Grafiti lehiaketa eta lantegiak larunbat honetan Mendaron

Gazte kultura eta euskara uztartzeko asmoz, Grafiti Lehiaketaren finala eta zenbait lantegi (grafitiak, irristatzea, scratch, perkusioa eta musika ordenadore bidez) antolatu ditu Topaguneak datorren larunbaterako Mendaron. Lehiaketako hamar kideren lanak ez ezik, talde profesional batek herriko pilotalekuko horman egingo duena ere ikusi ahal izango da.

Uztailaren 30ean egin zuten Euskal Herriko Grafiti Lehiaketarako deialdia, eta jaso dituzten zirriborroen artetik hamar onenak aukeratu ditu epaimahai batek. «Euskal Herri osotik izan ditugu parte-hartzaileak, Ipar Euskal Herritik ere bai, eta adin ezberdintakoak izan dira, 15 urterekin hasi eta 30 urte bitarte. Hamar horiei horma bana emango diegu beren lanak egin ditzaten, eta lehiaketaren aitzakian egun osoko jaialdia antolatu dugu. Bertara ikustera doazen gazte edo helduek ikusteaz gainera parte hartu eta ikasteko aukera izango dute», esan zuen Sonia Perezek, Topaguneako teknikariak, atzo Donostian egin zuten prentsaurekoan.
Lehiaketaren finala 10.00etan hasiko da eta 17.00etan bukatuko. Estatu espainoleko grafitigile profesionalek pilotalekukoaren kanpoaldeko horma mar-gotuko dute. Eta lehiaketak irauten duen bitartean lantegiak egingo dituzte, 17.30etik aurrera DZ, scratch, irrista-tzea, perkusio eta break dance erakustaldiak egiteko. 18.00etatik aurrera kontzertuak izango dira MAK musika taldearekin, Intxaurbreak dantza taldearekin, Selektah Sound System eta Kadun Karama taldearekin.

«Lantegiak hamaiketatik ordu biak bitartean egingo dira. Bazkaritarako atsedenalditxoa egin eta arratsaldeko laurak alderako lehiakideek beren lana bukatu behar dute, eta epaimahaiak lau sariak norentzat diren erabakiko du. Sari bakoitza 1.200 eurokoa izango da», jarraitu zuen Sonia Perezek. Landuko duten gaia euskara izango da. «Oso gai zabala da, berariaz aukeratu dugu hain gai zabala, artistari adierazpena ez mugatzearren. Sari banaketaren ondoren erakustaldiak eta kotzertuak izango dira eta horien artean Ipar Euskal Herritik datorren MAK rap taldearena da bat eta Kadun Karama, Afrikako musika eta dantzak egiten dituen taldearena. Gurea ez den kultura bat gureganatzeko egiten den saioa da. Beraz, erabiliko den hizkuntza euskara izango da», esan zuen teknikariak.

Eusko Jaurlaritzako Gazteria saileko zuzendari Xabier Sanchez, Gipuzkoa eta Bizkaiko Gazteria sailetako zuzendariak, Mendaroko alkatea eta Topaguneko zuzendaria ere prentsaurrekoan izan ziren, eta zenbait enpresak ere lagundu dute ekitaldia antolatzen.

Enpresa horien artean Montana Colors dago, espraiak fabrikatzen dituena. Ekitaldiok antolatu ahal izateko bost guneko ibilbidea antolatu dute herri barruan.

EGUNEKO LEHIAKETAREN EGITARAUA

- 10:00 -17:00 Euskal Herriko I. Graffiti Lehiaketaren finala. Lehiaketan finalera pasatu eta pareta lortu duten gazteek, elkarren artean lehiatuko dira graffitiak eginez.

Estatuko graffitilari ezagunak graffiti erakusketa egingo dute, herriko fatxada bat margotuko dute (andamio eta guzti!). Grafitilarien artean egongo dira: Okuda, SLK, Isra eta Dibo. Denbora tarte horretan publiko orokorrarentzat ondoko tailerrak zabalduko dira:

- Graffiti tailerrak: ikusleak graffitiaren teknikak ezgutu eta praktikan jartzeko aukera izango du.

- Scratch eta DJ tailerra: musika pintxatu, nahastu eta scratech-ak egiteko teknikak ezagutu eta praktikan jartzeko aukera izango du ikusleak.

- Musika ordenagailu bidez. egiteko tailerra: ordenagil x-P 0sika nola egiten den ikasi eta praktikan jartzeko aukera izango du ikusleak.

- Perkusio tailerra: perkusioaren oinarrizko ezagutza ikasi eta praktikan jartzeko aukera izango du ikusleak.

- Break Dance tailerra: gorputzaren espresioa musika eta dantzaren bidez lantzeko teknikak erakutsi eta praktikan jartzeko aukera izango du ikusleak.

- Skate tailerra: pista egongo da eta patinete eta monopatinetan skate praktikatzeko aukera egongo da, zenbait monitoreen eskutik teknikak ikasiz.

- 17:00 Sari banaketa:
- 17:30 Erakustaldiak:-- DZ ren musika erakustaldia-- Scratch erakustaldia-- Skate eraskustaldia-- Perkusio erakustaldia-- Break dance erakustaldia
- 18:00 M.A.K taldearen kontzertua (Iparraldeko taldearen eskutik RAP doinuak izango dira)
- 18:30 etan Aritz Sound System eta DZ ren musikarekin INTXAURBREAK dantza taldearen ikuskizuna.
- 19:00 Selektah Sound System kontzertua .
- 20:00 Kadun Karama afrikar doinu eta dantzak.

Urriaren 2an, Topagunea, Euskara Elkarteen Federazioak antolatuta “Gazte Sortzaile Sariak” 2004 ospatuko da Mendaroko Udalerrian. Ekintzaren helburu nagusia, gazteen sormena eta ekoizpen artistikoa gizartaratzea da.

Lehiaketa, graffitiaren inguruan egingo da eta aldez aurretik bidalitako bozetoekin horma zatia esleitu zaien gazteek urriaren 2an goizeko 10:00etatik aurrera elkar lehian arituko dira.

Mendaron urriaren 2an goizeko 10etan hasi eta gaua bitartean ospatuko den “Gazte Sortzaile Sariak” 2004 ekimenaren baitan Euskal Herriko I. Lehiaketaren finalaz gozatzeko aukera izango da.

Lehiaketan Euskal Herriko gazte euskaldunak hartuko dute parte; baina estatutako graffiti idazle ezagunak, Mendaroko herriko pilotalekuko fatxada margotuko dute, graffiti erakusketa bat eginez.

Lehiakideak, aipatutako egunean bakarka nahiz taldea lehiatuko dira, goizeko 10:00etatik aurrera eta 1.200€ko lau sari banatuko dira:

- Teknikaren erabilpen onenari
- Koloreen erabilpen onenari
- Gaia hobeto islatu duenari
- Graffiti original eta freskuenari

Lehiaketaren aitxakiarekin egun guztiko jaialdia antolatu du Topaguneak. Bertara ikusle gisa hurbiltzen dena hainbat ekintzatan parte hartzeko aukera izango du.

Beraz, egunerokotasunetik aldendu eta mundu koloretsu eta sormen handiko lanez inguratu nahi duenak urriaren 2an Mendarora hurbildu baino ez du egin behar.